【明報專訊】政制及內地事務局長聶德權噚日出席青年協會《施政Online@M21》現場直播節目，向青年推銷大灣區發展。 上青協節目推介個半鐘 除咗現場中學生觀眾，網上都開放畀人發問，有人就問局長會唔會建議仔女去大灣區發展，推介咗大灣區成個鐘嘅聶德權就話，「由佢哋自己決定」，佢話每一個人都有自己長處，最緊要係畀佢哋自己選擇。 成個直播近個半鐘，聶德權推介政府個大灣區facebook同Instagram專頁 「拾壹城話」，講咗最少3次。佢話就算唔去大灣區發展，都可以去睇?，例如食?嘢咁。有學生就問佢，咁大灣區可唔可以上facebook同Instagram，聶德權回應話內地有佢哋嘅政策，用facebook同WhatsApp都有困難。 用唔到WhatsApp 可以用WeChat 不過，聶德權話，大家可以用WeChat，又解釋個個地方有唔同情?，市民要去了解同接受，佢都有問過喺內地工作嘅香港人，對方就講因為好多人用WeChat，所以佢哋都習慣咗。
|
| |
| |
;){kind=small}
