【明報專訊】特首林鄭月娥鼓勵青年人「參政、議政、論政」，希望做到用人唯才，舊年推出「青年委員自薦計劃」，邀請18至35歲年輕人申請加入政府相關委員會。政府今年8月話共收到1511份申請，噚日就公布委任兩名自薦嘅青年委員陳啟業及廖舒衡，加入大嶼山發展諮詢委員會，任期噚日起至2020年1月31號。呢個委員會由發展局長黃偉綸做主席，就住大嶼山可持續發展同保育事宜向政府提供意見。 兩青年加入大嶼發展諮委會 佢?成為首兩個透過自薦計劃加入政府委員會嘅青年，外界都想了解佢哋嘅背景，Emily打電話問發展局同民政事務局，民政局就話，評審過程期間，會考慮申請人係咪誠心服務社會、對有關政策範疇有一定認識，以及係咪具備良好分析和溝通能力，但就話二人因為係申請加入大嶼山發展諮詢委員會，對於佢?嘅個人背景無補充資料。發展局就話，由於青年委員自薦計劃係由民政事務局負責，局方亦無補充資料。一個簡單查詢，?兩個政府部門走咗一個圈，得到嘅答案係部門推來推去，唔知新加入嘅兩名委員可唔可以改變到一啲官僚文化呢？
|
| |
| |
