【明報專訊】黎耀祥(祥仔)昨日出席「童心同步 開步禮」活動，祥仔被爆與太太於2007年以557萬元聯名購入的深井碧堤半島「風水屋」，最近以1350萬元賣出，帳面勁賺近800萬元，他說：「見個樓市幾好，我覺得樓價不會一直升，有好價就放。」但他不敢說自己有投資眼光：「十幾年才賺幾球，醜死怪，好多人十幾年賺了好多個幾球啦！我只算穩陣，有得住、有得食就得。」 祥仔認為目前租屋住抵過買樓，樓市走上巔峰，好難在這個時候再入市，會慢慢留意走勢，考慮加拿大置業投資：「回報都有4、5厘，香港無政策，太癲啦！」他笑言兒子黎正橋在美國讀大學，曾經幻想跟他移民到彼邦生活，可是兒子打算畢業後回港發展，令他好夢成空。 近日正橋趁假期返港，前日母親節親自下廚為媽咪慶祝。祥仔讚兒子遺傳他，所以手勢不錯：「今次整母親節飯是第一次！平日他喜歡煮西餐，例如煮意粉和煎牛扒。」他稱如果兒子將來想做廚師 ，他亦不反對：「行行出狀元，好多米芝蓮大廚都好出名有名譽有地位，做行政總廚賺好多錢，那時我就不用工作。」他透露下月父親節有工作未必能慶祝，稍後為新劇《殺手》宣傳。他自嘲年紀大怕捱壞，而且想嚴選合適劇本，所以心水計劃是一年拍一部劇。 記者：鍾一虹、林蘊兒
|
| |
| |
;){kind=small}
