卸任駐港總領事 唐偉康拍片道別
[2019.07.06] 發表
【明報專訊】卸任在即嘅美國駐港澳總領事唐偉康，噚日喺領事館facebook專頁上載短片，同大家講再見(圖)。2016年就任嘅唐偉康，特地去到fb位於鰂魚涌嘅香港新總部拍攝，佢話呢幾年認識咗好多新朋友、去過好多好地方、食咗好多美食，亦享受睇網民嘅留言同意見，希望大家繼續留意總領事館專頁，佢幾日後就會返華盛頓展開新挑戰，加入私人機構工作。
離港在即，唐偉康日前主持美國國慶酒會時，唔少政界中人都搵佢「打卡」，其中民主黨劉慧卿更緊握唐偉康嘅手合照，並豎起拇指讚好。唐偉康上月底就去咗本地店舖，刻番個有自己名嘅圖章留念，更大讚傳統手工藝。接任駐港澳總領事嘅史墨客(Hanscom Smith)，會喺今個月稍後時間履新。
更多港聞
相關新聞
