鄭泳舜忙跟進公廁衛生
[2019.07.10] 發表
【明報專訊】修例風波令政府管治威信受挫，有份護航嘅建制派亦不能倖免，成為抗議對象。網民早前發起去民建聯九龍西支部嘅會慶聚餐，據聞更有人為此向警方申請不反對通知書，民記為免出現混亂，近日亦決定取消活動。呢個時勢好易辣着火頭，民記九龍西立法會議員鄭泳舜就揀繼續跟進公廁衛生呢類民生問題，噚日約見副食衛局長徐德義，提出34個要優先翻新嘅公廁名單。
提出34優先翻新名單
民建聯2月時選出「全港十大污糟公廁」，「成功爭取」政府喺《財政預算案》提出撥款6億元做公廁翻新及優化工程，但至今仲未公布首年翻新或優化嘅項目。民記早前諮詢咗18區團隊意見，整理出應優先跟進嘅34個公廁名單，包括跑馬地成和道公廁、西營盤水街公廁、北河街街市公廁、觀塘道公廁、紅磡必嘉街公廁、荃灣德華公園公廁等，呢啲公廁都係使用人流較多，且衛生問題較突出，佢哋希望當局盡快公布首批改善名單及工程計劃詳情，仲要有時間表、路線圖。
更多港聞
鮮魚行非華裔生入真光 看卡通學中文 「多聽會不知不覺講」
【明報專訊】昨日升中放榜，於鮮魚行學校小小的課室內，非華裔小六生Sheema Hussain（冰冰）獲派第一志願，面露燦爛笑容，不懂中文的母... 詳情
相關新聞
