【Emily】8個油尖旺區議會候選人發起 網上聯署 要求警向公眾開放遊樂會
[2019.11.04] 發表
【明報專訊】反修例風暴中，警隊表現惹批評，成為新風眼，民主派區選候選人就想向警隊「開刀」。8個油尖旺區議會候選人噚日發起網上聯署，要求警方開放位於太子嘅警察遊樂會，與民共享休憩設施。發起人之一嘅旺角東候選人林兆彬話，經常都收到街坊反映旺角同深水埗唔夠休憩用地，不過就未問警方點睇。
街坊話旺角深水埗唔夠休憩地
Emily噚日以短訊問警察隊員佐級協會主席林志偉，但截稿前未有回應；警方發言人都無回覆。
林兆彬話，旺角同深水埗休憩用地一直唔夠，根據規劃署資料，旺角同長沙灣兩張分區計劃大綱圖範圍內，休憩用地短缺各有約18公頃，而警察遊樂會佔地面積約3.75公頃，設施包括游泳池、足球場同欖球場、天台網球場、草地滾球場、高爾夫發球練習場同埋室外緩跑徑。佢哋觀察到游泳池喺夏天會長期開燈，有救生員當值，但就唔覺有人使用，因此建議警方開放警察遊樂會設施，與民共享。
佢話未來會喺街上宣傳聯署內容，唔排除用iPad畀市民即場聯署。林兆彬參選旺角東，同區另一候選人為經民聯黃建新。
更多港聞
【Emily】「佛你跑」 BB長征天壇大佛樓梯
【明報專訊】秋風送爽，又係跑步好時節。寶蓮禪寺主辦、昂坪360同冠忠巴士協辦嘅年度賽事「佛你跑」喺上星期六開跑，賽程分18公里、8公里同2公... 詳情
教大幼兒中心面試 親子玩耍代對答 校方：不需帶活動集 教學不設教材本
【明報專訊】明年入學的幼兒陸續報讀幼稚園，部分學校已開始面見學生。教育大學幼兒發展中心近日收表，校監兼創校校長、教大幼兒教育學系助理教授陳惠... 詳情
【明報專訊】保良局教育事務部屬下24間幼稚園設面試甄選學生。保良局教育總主任（學前教育及專業教育書院）趙文堅稱只設一輪面試，學校會按幼兒出生...
詳情
相關新聞
