【Emily】民建聯漁人得利 沙田泛民輸一席 區選撞區致敗 阿廷拍片道歉
[2019.11.30] 發表
【明報專訊】民主派喺今次區議會選舉大勝，沙田區41個民選議席，40個都係由民主派攞到，就係得帝怡區一席，因為民主黨劉青(得票830票)同沙田區政謝潔泳(得票1666)「撞區」，令民建聯林港坤(得票1923)漁人得利。撐劉青出選嘅民主黨新界東立法會議員林卓廷備受批評，噚日喺facebook拍片表達「摯誠歉意」，話「認真反省喺區選嘅協調溝通工作不足，令建制派漁人得利」。
阿廷話完全感受到市民嘅失望同唔開心，劉青嘅得票不如預期，但佢喺反修例運動勞心勞力、遇過襲擊，選舉結果亦令佢受到「一定打擊」。阿廷話同劉青已經汲取教訓，未來要做好民主陣營中嘅協調溝通工作，免重蹈覆轍。
區諾軒鄺俊宇為素人開班
另邊廂，區諾軒同民主黨鄺俊宇就分別開班傳授做區「秘笈」。鄺神噚日喺立法會開兩小時「雞精班」，有60個新當選嘅候任區議員嚟聽書，學點樣建立個案嘅紀錄系統、組織同文宣等等。鄺神話「蛇齋餅糉」要做得比對手好，講解點解搞「街坊下午茶敘」咁重要，因為要同街坊透過呢啲活動建立關係，咁街坊有事先會搵你幫手。佢話學生反應好熱烈。
區軒就為「公民實戰論壇」做講者，教授「新手區議員秘笈」。佢話自己私下都有開班，希望小班教學，20人一班，教嘅包括議員辦事處要有啲咩；請人方面，佢建議唔好淨係請年輕人，因為較年長嘅人可能同年紀大啲嘅街坊溝通得好啲。
更多港聞
【明報專訊】喺佔中案被判囚8月，上個月刑滿出獄嘅社福界立法會議員邵家臻，噚日去咗探望仍然喺壁屋監獄服刑嘅陳健民（KM）。
阿臻話KM精...
詳情
【Emily】Ann姐區選申訴會 話千人報名揀60人
【明報專訊】區選過後，唔少建制派都炮轟今次選舉唔公平。民建聯蔣麗芸（Ann姐）噚日搞咗個「投票問題申訴會」，佢話星期三喺facebook畀市... 詳情
【明報專訊】區議會選舉後，網上出現唔少針對當選人嘅謠言，喺北區清河當選嘅註冊社工袁浩倫（海袁），就被謠傳係隱君子。曾任職戒毒社工嘅海袁面對抹...
詳情
相關新聞
