【Emily】開4次會 立會教材小組選唔到主席
[2020.07.14] 發表
【明報專訊】今屆立法會仲有幾日就完成任期，立法會教育事務委員會早前成立「研究幼稚園、中小學教科書及教材編製小組委員會」，噚日開第四次會，仲未選到主席。多個建制派議員批評主持會議嘅梁耀忠，開咗幾次會都選唔到主席，刻意阻止小組討論教材。梁耀忠就話，過去幾次會議建制派議員發言最多。
葉劉批梁耀忠失職
梁反指建制拉布
新民黨葉劉淑儀將選唔到主席嘅責任歸咎梁耀忠，認為佢主持冇效率，係失職，仲話要記錄在案。葉太又話，收到好多關於教科書同教材嘅投訴，批評民主派用盡手段唔畀小組討論，「唔可以話呢啲係教育專業，老師話晒事，教協話晒事，唔准人投訴，唔可以咁㗎」。
民建聯葛珮帆就批評梁耀忠拉布，叫佢「唔好扮晒嘢」。佢話有老師用教材向學生灌輸唔正確嘅價值觀，質疑點解唔畀小組討論。梁耀忠反駁話，過去會議發言最多嘅係建制派議員，反指佢哋拉布。
民主黨許智峯就話，現時立法會對審核教材未有共識，又批評有建制派議員噚日開會時，「開party」喺度講笑，無人認真開會，只為向北京表忠，又叫佢哋「選番入嚟(立法會)先再講」。
最後小組開4次會都選唔到主席，今屆會期亦唔再開會。
更多港聞
【明報專訊】香港電台近來惹起唔少爭議，當中警方曾經投訴《頭條新聞》，最終被通訊局裁定辱警投訴成立，港台其後亦宣告暫停製作《頭條》，復播無期。...
詳情
【明報專訊】《港區國安法》惹國際強烈反響，英國同澳洲先後宣布推出吸引港人移居移民當地方案。新民黨主席葉劉淑儀噚日就喺facebook專頁到大...
詳情
【明報專訊】《港區國安法》生效後，香港眾志等多個政團解散，《文匯報》早前引述眾志「內部爆料人士」指眾志戶口有2166萬元，又指前秘書長黃之鋒...
詳情
相關新聞
