【Emily】張秀賢撐黃店 搞團購片皮鴨 首輪100隻極速訂晒
[2020.08.20] 發表
【明報專訊】疫情下唔少食肆告急，位於沙田區嘅「黃店」富東閣海鮮酒家推出168蚊一隻「一食片皮鴨」優惠吸客，吸引唔少區外客預訂撐黃店。元朗區議員張秀賢緊隨馬灣、青衣街坊，為元朗街坊搞片皮鴨團購，名額100隻。前晚深夜11點半開放預訂，到噚日凌晨4點已經額滿。張秀賢同Emily講，街坊應該係好想食片皮鴨，同好想支持黃店，而片皮鴨真係少黃店做，佢話應該會搞第二輪訂購，不過第一輪最快都要差唔多一個月後先收貨，現時再排已經去到10月喇。
張秀賢前日深夜喺facebook宣布片皮鴨風潮吹到去元朗，噚日更新因為訂購人數眾多，同酒樓聯絡過後，要等酒家覆實，9月18日係咪可以如期出貨，所以第一輪唔會收錢住。
網民：片鴨片到手都痛
呢股團購片皮鴨風潮首先幾日前喺青衣吹起。有網民喺連登出post，引述有青衣團購facebook專頁喺富東閣訂120隻片皮鴨，仲入數落2萬蚊訂。有網民留言話真係「片到手都痛」。
更多港聞
【Emily】葉劉參觀組合屋 諗起同細佬瞓碌架牀
【明報專訊】新民黨主席葉劉淑儀同黨友李梓敬上星期應社聯邀請，參觀位於深水埗嘅組合屋，參觀時見到碌架牀，就令佢憶起細個同細佬都係瞓碌架牀。佢喺... 詳情
【Emily】大澳視察水浸 陳恒鑌搵唔到水鞋著 袁嘉蔚同事救番濕水雀
【明報專訊】颱風海高斯襲港，迎來9號風球，唔少議員亦落區視察。民建聯陳恒鑌（Ben）喺8號風球下，噚日朝早到打風水浸黑點大澳視察，佢話水位大... 詳情相關新聞
