【Emily】首3季訪港旅客按年跌98.2%
[2021.10.16] 發表
【明報專訊】雖然疫情緩和，但本港仍未通關。旅發局公布9月初步訪港旅客有9879人次，話就話比舊年同期上升咗8.2%，但其實累積計算，今年1月到9月嘅訪港旅客人數整體按年下跌98.2%，都係得約6.3萬人次。
旅發局話上月訪客同期升8.2%
9月來港嘅客源方面，佔最大部分都係內地市場，有6955人，比8月升咗12%，非內地市場就比8月增加0.1%，有2924人。
正籌備美酒佳餚巡禮除夕倒數
雖然話就話旅遊市場未正式恢復，但Emily知道旅發局喺度積極籌備緊未來幾個月重新開展幾個大型盛事活動同埋宣傳推廣工作，例如每年都好多人參加嘅「香港美酒佳餚巡禮」、「香港除夕倒數」。另外，旅發局都會再推「賞你遊」活動。雖然短期內未必有遊客來到，但旅發局話透過搞呢啲活動，都希望可以持續推動本地正面氣氛，刺激經濟，支持旅遊、餐飲及零售業。
更多港聞
相關新聞
