【Emily】大半月前治病為由離任新聞處長 鄭偉源今任「一帶一路」專員
[2021.12.22] 發表
【明報專訊】政府新聞處前處長鄭偉源(Rex，圖)11月底以治病為由，12月初離任處長一職，前後唔夠一個月，政府噚日已公布Rex有新崗位，今日起去商務及經濟發展局出任「一帶一路」專員。至於新聞處長職位就未有公布人選，仍然由副處長吳綺媚暫時兼任。
新聞處長未公布人選
Emily上月寫過，特首林鄭月娥上任4年多，先後有3名新聞處長調走，包括黃智祖、朱曼鈴及Rex，而Rex上月話佢「無畀人炒」，以身體一直有啲毛病為由走先喇，仲話待身體復元後重返政府其他崗位工作。事隔三周，政府就公布佢有新任命。Emily搵過Rex，想問候一下佢病况、祝福佢痊癒，但截稿前未能聯絡上。
公務員事務局長聶德權透過新聞稿話，Rex係資深政務主任，具備出色領導同管理才能，有信心佢能夠喺崗位為市民提供專業高效嘅服務。Rex喺1989年加入政務職系，多年來做過唔少同商務有關嘅職位，包括曾駐新加坡經濟貿易辦事處，做過工業貿易署，2015年出任駐台灣嘅香港經濟貿易文化辦事處主任。佢喺2019年8月至今年12月初出任新聞處長。
更多港聞
【Emily】撰中文信予「五眼」 何君堯：五眼盲的
【明報專訊】由新西蘭、美國、英國、澳洲和加拿大組成嘅「五眼聯盟」，其外長前日就立法會選舉發表聯合聲明，對香港選舉制度嘅民主成分受侵蝕表達嚴重... 詳情
【明報專訊】今年10月被取消資格嘅沙田區議會前副主席黃學禮，被指喺2015至2019年，未經許可多次展示近200幅橫額、易拉架等宣傳品。律政...
詳情
【Emily】西九夢幻小鎮 平安夜聖誕開至凌晨
【明報專訊】聖誕假期外出，梗係想同至愛家人、愛侶或老友影張靚相，留下美好回憶，今個聖誕，坐落西九文化區藝術公園、逾6層樓高嘅20米聖誕樹，以... 詳情
【Emily】伍凱欣開舖 寄賣牆內黨友貨物籌款
【明報專訊】區議員辭職潮發生距今大約5個月，部分前區議員謀求轉型。民主黨中西區前議員伍凱欣（Bonnie）早排裝修辦事處，喺原址開舖。新舖名... 詳情
【Emily】國際初中科學奧林匹克 港生奪2金4銀
【明報專訊】香港學生喺國際賽事取得佳績，6名來自5間中學嘅初中生，喺「國際初中科學奧林匹克」攞到兩金、4銀佳績。教育局長楊潤雄就話，泳手何詩... 詳情相關新聞
