【Emily】霍啟剛函林鄭：點解文化體育要被禁
[2022.03.19] 發表
【明報專訊】體育、演藝、文化及出版界立法會議員霍啟剛，噚日寫信畀行政長官林鄭月娥等官員，話過去兩個月，有8間分店嘅健身中心Fitness First全線結業，2間戲院先後倒閉，行業人心惶惶，質疑點解髮型屋可開業，食肆中午可堂食，但毫無身體接觸嘅文化同體育運動要被禁止。佢又問市民無法喺正規場所活動，政府又點避免市民喺違規場地活動嘅風險同危機。
霍啟剛話業界努力配合政府措施，無奈喺零收入下，承擔沉重租金同人工壓力，面對人才流失嘅困境，苦不堪言。佢再三建議政府訂立場所重開準則、路線圖，以及推出第七輪防疫抗疫基金，又話抗疫團隊每個決定都影響全港巿民生活，所有人嘅命運都喺佢哋手中。
更多港聞
【明報專訊】噚日立法會內務委員會開會，主席李慧琼引述政務司長李家超喺上月會面時話，即使官員同議員減少會議上接觸機會，但都會保持溝通，社福界議...
詳情
【Emily】冼國林最後一份政綱 講推廣影視業
【明報專訊】早前宣布參選特首嘅冼國林，噚日接受網台訪問，話下星期一（21日）將推出最後一份政綱，主要提及點樣推廣影視業，包括要求內地放寬香港... 詳情相關新聞
