【Emily】何桂藍fb發文 稱見識港人勇敢而想勇敢一點
[2022.06.09] 發表
【明報專訊】47名民主派因為「35+初選」被控《港區國安法》下嘅串謀顛覆國家政權罪，其中何桂藍因為2020年六四集會案服刑中。佢嘅facebook專頁噚日上載咗篇文，大談勇氣。何桂藍話，「來到今日，咩美麗島、709、甚至南非等等對政治審判的刻板幻想，應該(終於)徹底退散」，又話香港民主運動中嘅政治審訊，唔會有咁悲壯嘅場面出現，更多令人唔知點面對嘅場面仲喺後頭，「香港真係會出現判成十幾廿年的政治犯」。
最希望唔會有人為佢而內疚
佢話，因為見識過香港人可以有幾勇敢，所以都想試吓勇敢一點，因為見識到，原來幾莫名其妙嘅場景，都可以爆到意想不到嘅行動出來，相信呢個世界永遠唔會冇嘢做到，「不是為了守住甚麼捍衛甚麼或強行延續甚麼，而係想去試吓睇吓有冇新嘢爆到出嚟」。
何話最希望嘅係，唔會有任何人為咗佢而內疚，「我真的好討厭成為任何人愧疚同無力的理由」，話有啲事值唔值得，本身唔係由他人決定，但如果有人會因為佢所做，就能更勇敢去做自己所想做嘅嘢，咁就更加值得喇。
更多港聞
【Emily】前區議員黃文萱開書店 今個月搞六四主題
【明報專訊】前公民黨員黃文萱去年辭任區議員後，近月轉行做老闆，同拍檔開書店，文萱話書店每月都會諗主題推廣，今個月主題就係六四事件。書店除咗列... 詳情
相關新聞
