【Emily】朝八晚八出4帖 CY批段崇智演辭少提國家
[2022.09.07] 發表
【明報專訊】中大前日搞升旗禮，齊集中聯辦、外交部、國安公署代表，差解放軍就齊集四大中央駐港部門。不過，前特首梁振英(CY)似乎對中大校長段崇智開學演辭仲好有意見，噚日以4篇帖文質疑段校長無咩點提到國家民族，帖文橫跨朝早8點幾至到夜晚8點，仲搬出時任副總理李克強當年喺港大百周年慶典演辭「贈」段崇智，引戰味濃。
質疑沒要求學生愛國愛港貢獻國家
CY首先話，經歷過去一年對中大嘅批評，認為外界對段校長開學禮致辭有要求，但質疑校長前日除咗嘉許學生、講吓「植根中國，放眼世界」之外，「沒有要求學生愛國愛港，沒有要求同學們學有所成之後貢獻國家」，質疑「段崇智畢竟仍是段崇智」。CY之後再發帖反問，「以香港所長，服務國家所需」係中央對港一貫要求，反問大學校長提出此要求「有什麼難於啟齒」？
講到興起，CY仲搵番港大時任校長徐立之同李克強喺港大百周年慶典上嘅演辭，質疑段校長通篇無乜點提國家民族，唯一關事只得一句「我們植根中國」，CY反問：「我們是不是要感謝段校長提醒學生：沙田馬料水是中國的一部分。」
更多港聞
【明報專訊】隨住民主派政黨無參選或淡出政圈，香港民研最新調查顯示，幾個建制派政黨評分都創3年幾新高。民研喺8月初訪問約500個市民，以支持度...
詳情
【Emily】瑞典首相馮京作馬涼 「卓慧思」幽默回應
【明報專訊】英國保守黨魁選舉塵埃落定，卓慧思（Liz Truss）正式拜相並接受各國領袖恭賀，不過過程就鬧出小烏龍。話說瑞典首相安德松錯手喺... 詳情
【Emily】迪士尼義工入大澳 同大細路學整燈籠
【明報專訊】禮拜六就係中秋節，迪士尼義工隊舊年11月開始同鄰舍輔導會合作，每個月定期打電話畀住喺東涌、梅窩同大澳嘅長者，關心佢哋喺疫情入面嘅... 詳情
【明報專訊】今年將連續第4年取消十一國慶嘅煙花匯演。康文署噚日宣布，因應新冠疫情嘅最新情况，今年國慶煙花將會取消。Emily睇番資料，201...
詳情
相關新聞
