【Emily】渣馬擬11．19再辦 料增名額 冀吸引國內外人參加 回復「國際」
[2023.02.14] 發表
【明報專訊】第25屆渣打馬拉松前日跑完，當日大會預告11月再搞渣馬。香港田徑總會行政總監伍于豪噚日喺港台《千禧年代》話，預計下屆賽事喺今年11月19日舉行，將會跟政府部門商討落實賽事日期同規模，相信會再增加參賽名額。
文化體育及旅遊局回覆Emily話，暫時未收到田總就今年11月19日舉辦渣馬嘅正式申請，收到嘅話，政府部門會同田總傾吓比賽日期同規模。
剛跑完一屆屬2022年
啱啱跑完嘅渣馬有3.47萬人喺起步點出發，出席率97.5%，係歷屆最高。伍于豪話疫情前嘅渣馬平均出席率約85%，今屆創新高係出乎意料，相信係因為呢次係防疫措施放寬後首個渣馬，限聚令同檢測要求亦取消，增加咗跑手參賽意欲。
伍又話，第25屆賽事原本係屬於2022年嘅，所以想喺今年11月19日再辦多次，又話好快會跟政府部門及相關合作單位商討落實賽事日期同規模，相信參賽名額會再增加，「希望係進一步嘅復常」。
佢又話舊年宣布賽事同報名時，仲有檢疫同隔離措施，希望更多國內同海外嘅人參加11月嘅賽事，回復「國際」馬拉松。
更多港聞
【Emily】立會擴建設辦公室「示範單位」 梁君彥：淺色調開心啲
【明報專訊】立法會議員由70個加到90個，立法會大樓要擴建同加高，增加議員同議助嘅辦公室，擴建工程採用組裝合成（MiC）方式興建，即喺內地做... 詳情
【Emily】黃錦星再有新職 6月任中大嘉賓講者
【明報專訊】再有前任問責官員申報離任後嘅工作去向。本身係建築師嘅前環境局長黃錦星（圖），今年6月25日起會出任中文大學嘅嘉賓講者，呢個職位係... 詳情
【Emily】建築師馮永基開回顧展 林鄭到場支持
【明報專訊】喺建築署做過嘅著名建築師兼水墨畫家馮永基（Raymond）最近喺西九文化區開回顧展，分享佢幾十年嘅建築創作同水墨作品。Emily... 詳情
【明報專訊】立法會一個委員會噚日討論委任澳洲退休法官祈顯義（Patrick Keane）做終審法院非常任法官嘅建議，唔少議員發言支持之餘，又...
詳情
明復課飯盒或亂 小學備乾糧 大家樂：已調人手盼盡快派校
【明報專訊】全港小學明天起恢復全日面授，午膳飯盒需求增加。學校午膳供應商之一大家樂集團旗下「活力午餐」日前人手安排緊張，有學校上周稱飯盒未如... 詳情相關新聞
