【Emily】賽道欄杆掛彩虹旗 渣馬報警處理
[2023.02.15] 發表
【明報專訊】渣打馬拉松禮拜日跑完，香港同志運動會創辦人Dennis Philipse投訴，佢哋幾個人當日喺中環碼頭附近欄杆掛起象徵性小眾嘅彩虹旗，被渣馬工作人員阻止，對方仲通知警方嚟處理，形容對事件感到傷感同震驚，已去信籌辦賽事嘅香港田總投訴。
團體去信田總投訴
渣馬否認針對彩虹旗
根據Dennis所講，當日朝早佢哋喺賽道欄杆掛上一支彩虹旗同埋同志組織OUT嘅旗，而城大亦有喺旁邊嘅欄杆掛旗。渣馬賽會人員就要求佢哋拎開支彩虹旗，Dennis一行人拒絕，賽會人員影相之後就知會警方處理。一輪交涉之後，雖然前線警員一度批准，但最終警方都係要佢哋移除彩虹旗。
Dennis質疑喺賽事其他路段旁嘅欄杆都有掛唔同嘅旗，點解大會人員要針對彩虹旗。
渣馬賽會回覆Emily查詢時否認針對彩虹旗，話市民喺賽道沿途圍欄掛條幅，一般交畀政府部門處理，與條幅主題無關。大會話，喺公眾地方圍欄張貼或懸掛條幅，須獲有關政府部門事先批准。
更多港聞
【Emily】248對新人入紙情人節結婚 3年新高
【明報專訊】有唔少情侶選擇喺情人節登記結婚，而噚日係社會復常後第一個情人節，根據入境處數字，有248對新人入咗紙喺噚日結婚，創疫情3年以來新... 詳情
【Emily】3議員政協傳媒茶敘 自稱「左鄰右里」 管牧：提案推動內地禁食貓狗野味
【明報專訊】新一屆人大政協兩會下個月喺北京開幕，身兼港區全國政協委員嘅立法會議員吳傑莊（Johnny）、管浩鳴、蘇長荣噚日就同傳媒茶敘，分享... 詳情
【明報專訊】特首政策組舊年12月底成立後，Emily留意到陸續有智庫中人加入，其中團結香港基金研究員許雅婷（Jacqueline）擔任特首政...
詳情
疫下停滯 理大佛山辦校重談 書記市長已換屆 滕錦光：最快下月北上重新認識
【明報專訊】新冠疫情窒礙本地院校北上辦學。香港理工大學2019年與佛山市政府簽署諒解備忘錄，籌建理大（佛山）校園，理大校長滕錦光昨透露「進度... 詳情相關新聞
