【Emily】《中環夏誌》下月回歸 25節目免費入場
[2023.05.15] 發表
【明報專訊】年度《SummerFest 中環夏誌》喺6月9日至7月23日舉行，今年以「玩曬海濱」為主題，到時中環海濱活動空間會有約25項特備節目畀市民免費入場。活動以往每年吸引數以萬計人次參與，主辦方估計，市民經歷3年新冠疫情終可盡情呼吸戶外空氣，今年活動會吸引更多人入場。
今年常駐節目以「One Citybus」展覽做焦點，展出具代表性嘅退役、古董同現役巴士，仲特意修復曾效力中巴、新巴嘅兩朝元老「珍寶巴士」。喺6月16至18日舉行嘅家庭同樂日設有期間限定店，部分商品喺現場率先限量發售。為配合6月18日父親節，頭200名同子女到場嘅爸爸可獲城巴限量冰巾一條。
其他節目同設施有市區罕見嘅「太陽沙灘」、大型太陽蛋彈跳裝置「蛋蛋彈彈」、12米長嘅「大藍鯨」、打卡之選「太陽花田」，仲有「小車手賽道」等。逢周末、假期同其他特定日子嘅特備節目就包括「森呼吸-車．見市集」、「Fit and Fun Night Out - Dance Party」、「ShinyVibes」戶外音樂會、「香港平衡車會嘉年華2023」等。
更多港聞
【Emily】8議員考察沙頭角 隔牆問好深圳市民
【明報專訊】今屆政府積極推動北部都會區發展，多名立法會議員包括民建聯葛珮帆、身兼打鼓嶺區鄉委會主席嘅陳月明等，前日冒雨到北都同沙頭角一帶考察... 詳情
【Emily】全港首間 恒生銅鑼灣設寵物友善分行
【明報專訊】香港愈來愈多人養寵物，不過並非所有地方都容許市民攜帶寵物內進。恒生銀行喺銅鑼灣設立全港首間寵物友善嘅銀行分行，客戶可以帶埋寵物一... 詳情
【明報專訊】嶺大計劃修例，學生會會長不再是校董會及諮議會當然成員，而是按規程互選產生，再由校董會委任，並以相同方式產生一名新增的研究生成員。...
詳情
相關新聞
