睽違6年大馬開騷 陳奕迅high爆除衫贈歌迷
[2023.05.15] 發表
【明報專訊】陳奕迅(Eason)日前於馬來西亞舉行3場《Fear and Dreams世界巡迴演唱會》 ，開賣時迅速售罄，據知門票被炒高30倍。Eason相隔6年到大馬開騷，歌迷整晚跟他大合唱，唱《幸福摩天輪 》時，觀眾歌聲大得令戴耳機的Eason呆了一會，除下耳機笑說想聽觀眾歌聲。Eason說：「計計吓，我原來已經6年冇來大馬。」隨即搞笑自打pat pat多下，觀眾狂歡呼及拍掌。他稱知觀眾搶飛好辛苦，好多謝大家支持，說大馬真的好熱，「原本已經跳到好熱，但你哋嘅熱情令我更加熱」。
跟歌迷爭寵放笑彈
全場歌迷高舉應援橫幅「特別嗚謝你製造，更歡樂的我」，Eason非常開心。有歌迷大叫：「我老公鍾意咗你好耐。」 Eason笑說：「多謝你老公。」然後問該歌迷：「老公，你係咪鍾意你老婆前已經鍾意我？我勁過你(老婆)，雖然你嫁咗畀佢，但係佢鍾意我先。」引得全場爆笑。
Eason稱見現場工作人員似乎不想歌迷在演唱會站立，鬼馬做動作教大家，「一陣你哋唔覺唔覺，一齊慢動作慢慢起身，一齊做，佢哋就唔覺㗎啦」。歌迷馬上歡呼站起身跟着Eason高歌跳舞。
據大馬舉行演唱會規定，表演者不得赤裸上身演出，encore時，Eason換上短袖T恤仍不停叫：「真係好熱。」歌迷狂叫他除衫，他說：「你畀我唱埋隻歌先啦。」然後脫去上衣，他有備而來，仍有一件白色底衫打底，場面搞笑。Eason笑說： 「除完著番啦。」歌迷再叫：「除咗佢送畀我。」Eason笑言：「哎哋，好老土，你哋一陣拋番上嚟，我咪好瘀？」隨即把脫下的上衣拋落觀眾席。完成大馬之旅，他回港籌備最新專輯及7月台灣巡唱。
娛樂組
■更多娛樂猛料 ﹕ol.mingpao.com
更多影視
So Ching退團「魚與熊掌」論惹負評 Mo父為用語產生誤解致歉
【明報專訊】舞蹈員李啟言（阿Mo）去年在男團MIRROR演唱會墜屏意外中受重傷，Mo父李盛林牧師每周發代禱信交代兒子最新情况。前晚他發出新一... 詳情
呂慧儀伙家傭炮製母親節大餐 湯盈盈收大女搞鬼曱甴賀卡
【明報專訊】湯盈盈、呂慧儀、張景淳等昨日到油塘出席無綫處境劇《愛．回家之開心速遞》母親節活動，疫後首次到商場宣傳，一眾演員表現興奮。湯盈盈表... 詳情
貼自動門照被指撐泥鯭 盼樂壇開心和諧 吳業坤稱做人很累別捕風捉影
【明報專訊】吳業坤日前在社交網上載自動門照片，標誌跟MIRROR隊徽相似，捲入RubberBand鼓手黎萬宏（泥鯭）暗諷姜濤風波，被指撐泥鯭... 詳情
姜濤見偶像羅志祥陷瘋狂 盧瀚霆騷前腸胃炎 唱歌減痛楚
【明報專訊】MIRROR成員姜濤、盧瀚霆（Anson Lo）、呂爵安（Edan）與柳應廷（Jer）昨晚在馬來西亞演出大型音樂節，前晚姜濤偶像... 詳情
曬母合照普天同慶 黎姿傳承「媽媽的話」 陳凱琳水著搶鏡
【明報專訊】不少藝人在昨日母親節於社交網分享與媽媽的合照。黎姿送上大束花給母親，回想以前媽媽對她講得最多的說話，「食多啲嘢飲多啲水，著多件衫... 詳情相關新聞
