【Emily】灣區青年管弦樂團 港首演再赴澳深穗

[2023.08.15] 發表

【明報專訊】由香港演藝學院籌辦、太古集團創始贊助嘅大灣區青年管弦樂團首演巡迴音樂會，已喺上周五(11日)於香港演藝學院上演，曲目包括貝多芬、德沃扎克及譚盾嘅樂曲，為大灣區一連4場音樂會揭開序幕。翌日一眾來自粵港澳三地嘅青年音樂家從香港出發到澳門，之後會到深圳及廣州演出。

大灣區青年管弦樂團去年7月正式成立，匯聚唔同背景嘅年輕人，目標成為全球最優秀嘅青年管弦樂團之一，以提升區內管弦樂演奏水平，搭建具有國際標準嘅古典樂演奏平台。

樂團首屆訓練營喺今年2月招募學員，歡迎喺粵港澳大灣區出生、畢業、居住、就學或就業嘅16至24歲青少年管弦樂手報名參加。88名大灣區年輕樂手喺7月31日至8月11日期間於演藝學院參與近60小時培訓，並獲13位知名音樂導師指導。

更多港聞

【明報專訊】香港及內地全面恢復通關，換領回鄉證需求急升，為疏導辦證人流，國家移民管理局早前公布，將有效期限為2020年1月1日至今年12月3... 詳情