【Emily】3大狀「升仙」 前財庫局長個女有份 一屬七警案辯方 一曾代表陳振聰
[2024.03.27] 發表
【明報專訊】一年一度嘅資深大律師委任係法律界盛事，噚日終審法院首席法官張舉能宣布3名大狀「升仙」(即係升做Senior Counsel)，其中包括財經事務及庫務局前局長劉怡翔個女、來自Temple Chambers嘅劉恩沛。劉氏一家都唔嘢小，佢媽媽係拔萃女書院校長劉靳麗娟。3名準資深大律師喺5月11日會正式獲得頭銜，同日會有委任儀式。
5．11正式委任
現年41歲嘅劉恩沛喺英國劍橋大學取得法學士學位，2008年喺香港取得大律師資格，主要執業範圍係一般民事法及商業法，包括審計與專業疏忽、誹謗、僱傭等。
另外兩位「升仙」嘅包括來自Parkside Chambers嘅蔡一鳴(41歲)同Des Voeux Chambers嘅駱敏賢(43歲)，同樣於2007年喺香港取得大律師資格。蔡一鳴喺英國萊斯特大學取得法學士學位，專長刑事法，特別係有組織及白領罪行，曾經喺沙中線獨立調查委員會聆訊中代表分判商永光鋼鐵工程有限公司，亦喺七警案代表其中一個被告。
至於唯一喺本地讀大學本科嘅駱敏賢，第一個學位係修讀中文，獲中大文學士學位，之後再喺牛津大學同哈佛大學取得文學碩士(法理學)同法學碩士學位，主要處理公司法、建築與仲裁、遺囑認證同信託嘅案件。佢曾喺已故華懋集團主席龔如心遺產案中代表陳振聰。
更多港聞
【Emily】藍 ╳ 橙 ╳ 粉紅 東九「花海」亮燈
【明報專訊】觀塘區議會之前提出喺東九文化中心外階梯設置嘅「LED花海」，被網民揶揄白花陣似「靈堂」，工作人員一度用帆布蓋住燈飾，之後就有工人... 詳情
【Emily】彩虹生活館開幕 何永賢請街坊食撻
【明報專訊】彩虹邨即將重建，房屋局長何永賢噚日喺社交平台發帖話重建研究工作推展緊，為畀街坊更了解相關內容、吸納街坊心聲，房屋署同事特意翻新邨... 詳情
【Emily】博洛尼亞童書展 港設館sell本地文化
【明報專訊】為推動香港兒童圖書同親子讀物走向世界，香港出版總會同香港印刷業商會再獲政府「創意香港」贊助，會喺下月8至11日嘅意大利「博洛尼亞... 詳情
【明報專訊】阿拉伯聯合酋長國Sheikh Ali Al Maktoum王子私人辦公室噚日同香港恒生大學簽署合作備忘錄，恒大同時委任王子為榮譽...
詳情
相關新聞
