善意批抨陳蕾盼合作 周啟生笑歌手有肚腩點做萬人迷
[2024.04.30] 發表
【明報專訊】最近在網上對後輩多番批評的周啟生前晚出席「夏蕙慈善基金有限公司就職典禮」晚宴。他表示只在網上講兩句，而且沒開名批評，「陳蕾是我鍾意的歌手，有機會都想合作，我鍾意《凡星》，遲早會在現場唱她的歌，只是覺得點解今次會咁㗎(指走音)？可以唱好啲吖！只是對細路女講真話，是惜住她」。批評《中年好聲音2》總決賽評判，矛頭疑指向楊千嬅？他說：「好嘅我就讚，唔啱唱歌就去做戲，做戲唔好就返屋企。」
對於早前批評MIRROR未成氣候且跳舞不整齊，周啟生說：「咪學吓、練吓囉！要無肚腩先吖！點樣做『萬人迷』呀？(指姜濤？)我唔理邊個，任何一個，陳百強、張國榮、我有無肚腩呀？許冠傑70幾歲都無肚腩，我講個個，唱歌要好過我哋、人要fit過我哋，唔係講咩迷人！」
黃夏蕙慈善基金交細女接棒
黃夏蕙自覺92歲年紀大，經常覺得很疲累，下月會做體檢，決定最後一次落手落腳搞慈善基金事宜，之後交由細女Maggie處理，她說：「不捨得，因還有很多想做的事未完成，希望搞一間老人院。」是否以後不再出來玩？她說：「別人搞的話，我日日都出來玩。」
記者：林祖傑
更多影視
鼓勵兒子海外升學乜都可以試 張繼聰：唔好死就得
【明報專訊】張繼聰（阿聰）昨日以活動大使身分出席「中國香港國際籃球邀請賽2024」，希望更多基層兒童接受優良籃球訓練機會。熱愛打籃球的阿聰表... 詳情
MIRROR飛新加坡開騷 粉絲送機等候區取消 姜濤Anson Lo認同安全至上冇失望
【明報專訊】MIRROR昨晨現身機場，出發到新加坡為巡迴演唱會準備，因早前美加巡唱回港發生「神徒」（盧瀚霆粉絲暱稱）與「姜糖」（姜濤粉絲暱稱... 詳情
呂爵安否認嘲LOONG 9 邱士縉話隊友「亂講嘢」
【明報專訊】呂爵安（Edan）與邱士縉（Stanley）昨日一同到達機場飛新加坡準備巡迴演唱會，對於無粉絲送機，Edan笑言平時生活也沒什麼... 詳情
相關新聞
