【Emily】故宮館×故宮院 光影下「紋」以載道
[2025.05.14] 發表
【明報專訊】香港故宮文化博物館同北京嘅故宮博物院合辦「『紋』以載道——故宮博物院沉浸式數字體驗展」，以「故宮紋樣」做主題，提取故宮建築、陶瓷、織繡紋樣，結合數碼技術，透過光影呈現傳統紋樣文化。市民即日起憑標準門票入場，就可以喺7號展廳參觀呢個展覽，展期至10月13日。
展覽分為「流光溢彩」、「紋法自然」等7個體驗空間，其中3個區域係為香港而設。觀眾可以沉浸式體驗花紋光影，地面紋樣會隨腳步變化，呈現唔同動態。參觀者亦可以喺一個大盤旁邊揮手，轉換展區內器物紋樣。「紋彩藻飾」區就參考紫禁城太和殿、千秋亭同臨溪亭嘅藻井，將紋飾投放喺天花板。另外，參觀者仲可以親手創作游魚同飛鳥紋樣，投射喺牆上。
更多港聞
【明報專訊】漁護署更新從內地進口貓狗嘅檢疫安排，下月3日起，由內地進口嘅貓狗只要符合相關檢疫規定，並持有由內地官方獸醫簽發嘅動物衛生證書，抵...
詳情
【Emily】議員「出巡」觀塘 睇智能製衣食蛋撻王
【明報專訊】立法會鞏固及促進九龍東第二核心商業區相關政策事宜小組委員會，噚日去觀塘兩間本地企業參觀，一間係紡織製衣公司，另一間係蛋撻王，睇佢... 詳情
相關新聞
