【Emily】毛孩試搭輕鐵計劃延長至8月底
[2025.06.24] 發表
【明報專訊】港鐵5月起喺輕鐵推出「貓狗同行」試行計劃，為期兩個月，畀貓狗主人同愛寵喺特定條件下一齊坐車。港鐵噚日宣布，試行計劃順利，做緊檢討，為進一步收集意見，試行計劃會延長至8月底，以參考唔同出行模式下嘅實行情况。即日起乘客可透過MTR Mobile購買7月「貓狗同行證」。
港鐵又話，試行計劃推出後市民反應普遍正面，輕鐵整體運作暢順，社會肯定呢個措施同相關安排，輕鐵職員亦喺重點車站協助有需要乘客。港鐵透過唔同渠道收集意見，並安排觀察員搭輕鐵，據港鐵觀察，絕大部分主人遵守規則，包括喺指定時間、位置以指定方法搭輕鐵。港鐵承諾會繼續留意計劃運作，有需要時會執行相關規例，確保為乘客提供安全舒適嘅出行體驗。
更多港聞
【明報專訊】中華全國新聞工作者聯會噚日組織第四場粵港澳媒體灣區行聯合採訪活動，即安排內地記者來港採訪官員及機構，包括Emily在內嘅部分香港...
詳情
相關新聞
