【Emily】西貢馬年到花市停 黃大仙同停等工程成
[2025.07.11] 發表
【明報專訊】農曆大除夕行花市係港人習俗。過去每年喺西貢萬宜遊樂場舉辦嘅年宵市場下年馬年將會停辦，食環署話鑑於呢個花市嘅入場人次持續偏低，諮詢社區意見後決定停辦。與此同時，黃大仙摩士公園要做地下雨水蓄洪池工程，食環署提出明年起暫時停辦黃大仙區年宵市場，直至完工先喺摩士公園復辦。
食環署向西貢區議會食物環境衛生委員會提交文件，話今年4月中至5月中，當區民政處就停辦萬宜花市諮詢區議員、鄉委會同地區人士，結果顯示較多受訪者支持停辦西貢萬宜遊樂場嘅花市。
食環：西貢花市客續低
食環署回覆Emily話，以往喺13個區嘅15個地點舉辦年宵市場，而每年花市完結後會檢視實際運營情况，萬宜花市嘅入場人次欠理想，過去3年總入場人次約3.1萬，為近年全港年宵市場中最低，經評估一籃子因素後，認為集中公共資源喺同區將軍澳寶康公園辦年宵最合適。
摩士公園要建蓄洪池
除咗西貢，黃大仙花市明年都停辦。食環署話，由於黃大仙摩士公園三號足球場喺2024至2029年關閉，以配合地下雨水蓄洪池工程，今年嘅花市搬咗去慈雲山邨中央遊樂場，但只有59%攤檔租出，喺善用公共資源嘅原則下，明年起暫停黃大仙花市，直至摩士公園工程完成為止，屆時花市會恢復喺摩士公園舉行。
西貢區議員方國珊話，過去幾年萬宜花市嘅反應愈來愈唔理想，估計原因同商販「變陣」、市民過年習慣轉變等有關，好似近年區內地舖租金平咗，有商販直接租舖賣年貨，尤其係賣花，變相提早開賣；亦有唔少市民團年後，「年廿幾個個都飛(外遊)」，令市民「行花市比較簡化咗」。
更多港聞
【Emily】Super Junior港騷未開賣 售票先惹火
【明報專訊】韓國組合Super Junior（圖）將喺香港舉行兩場演唱會，門票未開賣已惹來唔少歌迷投訴，皆因售票平台大麥同Fantopia疑... 詳情
【Emily】佛聯會7小學取消暑期作業 改做「任務」
【明報專訊】教育界近年都好關心學童嘅精神健康，轄下有7間小學嘅辦學團體「香港佛教聯合會」噚日宣布一則學生喜訊，話今個暑假轄下小學取消傳統操練... 詳情
【明報專訊】噚日係民建聯成立33周年，佢哋今年低調慶祝，只舉辦內部「生日會」，黨內領導層、多名元老等出席。黨主席陳克勤話，民建聯過去兩年已逐...
詳情
【Emily】紅會舞台劇《第八原則》賀75周年
【明報專訊】香港紅十字會即將踏入75周年，將首次同香港話劇團合作，製作原創舞台劇《第八原則》，呈現紅十字會75年以來扎根香港嘅服務歷程。《第... 詳情
中一書最高5900元 家長嘆貴 書局：今年多新科多改版 未見買舊
【明報專訊】昨天是中一註冊日，早上雖下大雨，仍有不少中一新生和家長辦理註冊手續後，到書局買新書。今年有中學買齊全套中一教科書的價錢達5900... 詳情相關新聞
