【Emily】工展購物節 每日頭500人入場有禮物
[2025.08.02] 發表
【明報專訊】廠商會主辦嘅第5屆工展會購物節噚日起一連4日喺亞博館舉行，售賣美酒美食、食品飲料、參茸海味、廚具家電、兒童用品、美容及保健品等，部分商品低至一折或1元發售。展會期間會有特別交通安排，包括有3條免費穿梭巴士線來往亞博館同荃灣、屯門及天水圍，方便各區市民去買嘢，而東涌站都有特快巴士到會場。
今屆工展會購物節推出「5周年瘋狂賞」活動，向每日頭500個入場嘅人送禮品，並推出一系列大抽獎及有獎遊戲，合共送出總值40萬元獎品。廠商會副會長施榮恆話希望提供平、靚、正嘅消費體驗，場內仲設有兩大飲食專區，每日下午4點至7點會推出半價或以下限定美食，等入場者可以盡情「掃貨、掃街」。
更多港聞
【明報專訊】工業傷亡權益會歷年幫助唔少工業意外死傷者同家屬，陪伴佢哋渡過人生難關，亦為工友奔走爭取工傷權益。工權會最近推出名為《天下無「傷」...
詳情
相關新聞
