【Emily】東北規劃萌興趣 劉國勳考獲特許測量師

[2025.08.27] 發表

【明報專訊】立法會議員又多一人具專業資歷。民建聯劉國勳啱啱攞到特許測量師資歷，仲拎住證書影相。Emily問劉國勳係咪諗住轉行，佢就話考取資歷因為興趣，跟進2008年新界東北發展時啟蒙對規劃地政嘅興趣，之後已考取城市規劃師資格，今次再下一城考埋特許測量師。

劉國勳話，佢唔係透過讀課程考取特許測量師資歷，而係報考皇家特許測量師學會RICS嘅專業能力評估APC。

佢過去喺土地規劃政策上，同政府不同部門、官員交手，熟悉法例、政策落實等唔同環節，過程中獲益良多，於是去應考，經過經驗認證、寫文、考試、面試等過關，取得相關證書。佢話日後會繼續用好相關專業知識，繼續推動建設北部都會區。

更多港聞

【明報專訊】上訴庭副庭長麥機智噚日喺大律師公會論壇話，香港嘅反貪法律一直領先全球，尤其公職人員行為失當控罪，英國、加拿大、澳洲普通法地區都一... 詳情

【明報專訊】大學校園角落唔難見到學會「文宣」，係各類學生組織嘅主要宣傳途徑。科大學生會編委會前日喺Instagram話，科大媒體科技及出版中... 詳情