財爺「開槍」射大嚿？
[2015.03.27] 發表
【明報專訊】特首梁振英(CY)噚日出席答問大會後離開立法會時，繼續被人民力量陳偉業(大嚿)、陳志全，同社民連梁國雄狙擊，大嚿大罵CY「無良特首」。跟隨CY離開嘅財政司長曾俊華見到大嚿，即邊笑邊向大嚿做出開槍手勢，連環開咗至少「6槍」。
同僚不理大嚿 曾俊華開「6槍」
大嚿、長毛等人趁CY乘扶手電梯離開立法會時，追罵佢「無良特首」、「弱智特首」，CY充耳不聞，頭都無回離開立法會。尾隨嘅官員一齊保持隊形，無望向大嚿等人，唯獨財爺突然發揮鬼馬本色，笑笑口向大嚿、長毛「連環開槍」。
唔知財爺「開槍」係咪代CY反擊呢？不過，大嚿就不以為然，淨係叫財爺教吓CY點答問題同睇行政會議嘅文件。
更多港聞
【明報專訊】「包山嘉年華2015」嘅壓軸項目長洲搶包山比賽，將於下周四截止報名，而為增添活動氣氛，大會今年起特別喺搶包山比賽增設「擂台獎」，...
詳情
【明報專訊】申訴專員公署周初批評在職家庭及學生資助事務處（學資處）追討學生欠款措施阻嚇力不足，建議將欠貸「黑名單」交予信貸資料機構，遭私隱專...
詳情
相關新聞
