【明報專訊】近期港大副校長遴選風波鬧得沸沸揚揚，今日立法會內務委員會互選中大、港大校董�巀陬{，亦成為焦點之一。原本建制、泛民都無意將戰火燒到去校董選舉，泛民協調由民主黨黃碧雲接替新民主同盟范國威做中大校董，港大就由教育界葉建源同民主黨涂謹申續任。不過，人民力量陳志全同社民連梁國雄都分別講到明，想去角逐中大同港大校董。

Emily問長毛，今次出選咪擺明同泛民搶位？長毛一於懶理，反問「�M家唔畀競爭咩？有咩特別？」又話泛民係咪協調好同自己無關。Emily聽聞佢今日發言仲會有政綱，會有咩勁爆內容呢？長毛淨係拋低一句，「睇我聽日(今日)即場演出咪知囉！」

另一邊廂，黃碧雲就話，自己3年前已向泛民表明心�[話想做中大校董，對於今次畀人突襲好委屈。

建制派方面估計會維持原狀，繼續提名自由黨張宇人同民建聯葛珮帆做中大校董，民建聯鍾樹根、經民聯石禮謙同埋建築、測量及都市規劃界謝偉銓相信會連任港大校董。