檔主吐苦水 葉劉街市擔水
[2016.07.29] 發表
【明報專訊】炎炎夏日30幾度行出街已經好辛苦，新民黨主席葉劉淑儀就去咗領展轄下嘅鴨脷洲邨街市擔水。葉太話，有檔主投訴街市今年初開始唔再借水喉畀佢哋洗地，搞到檔主要親自擔水返檔口洗地用。葉太睇唔過眼商販咁慘，已經同領展行政總裁王國龍投訴，王回覆話會立即跟進。
領展街市被指拒借水
已報名競逐連任立法會港島區議席嘅葉太喺facebook話，噚日去鴨脷洲見街坊時，街市檔主投訴要自己擔水洗地，每日仲要擔幾次。葉太隨即親自試擔一下，都話挑兩桶水真係幾重。
除咗水喉問題，商販都有吐苦水話鄰近屋邨冷氣機排出嘅污氣影響街市環境。商販指租金連年加幾千元，現時一個肉檔租金要兩萬蚊；菜檔都要7000，但管理質素每况愈下。
葉太話對以上情况睇唔過眼，所以即刻聯絡王國龍，話領展唔可以因為商場未翻新，租金回報率低就唔理租戶。王國龍都話唔應該有呢種事發生，仲承諾會立即跟進改善情况。
港島區其他已報名名單包括：鄭錦滿、許智峯、郭偉强、張國鈞、羅冠聰、司馬文、王維基、陳淑莊、沈志超、黃梓謙、劉嘉鴻、何秀蘭、詹培忠同徐子見。
更多港聞
【明報專訊】《天主教亞洲通訊社》前日報道，身兼全國政協委員嘅香港聖公會大主教鄺保羅，上周喺香港出席「教會學調查國際研究網絡」一個會議時發表英...
詳情
【明報專訊】財政司長曾俊華不時都評論環球經濟情况，唔少人都有講今年環球經濟情况嚴峻等言論，但噚日財爺辦公室就澄清，話曾俊華認為國家經濟基調良...
詳情
【明報專訊】做咗6年醫管局行政總裁嘅梁栢賢（PY），噚日再獲醫管局續約3年，11月8日起生效。𠵱加醫護人手不足、急症室排長龍，睇嚟PY任期...
詳情
第19屆校園記者﹕由石硤尾講到電話亭 校際專題賽結果公布
【明報專訊】為了讓更多校園記者以外的學生體會記者工作，除了上周公布結果的「校記專題報道比賽」，第19屆《明報》校園記者計劃亦舉辦「校際專題報... 詳情相關新聞
