【明報專訊】特首選舉落幕，唔少人都關注擁有高民望但落選嘅曾俊華有咩動向，會唔會留喺政壇？阿sir噚晚喺「最後一集」facebook「你問我答」短片中透露，「會認真考慮」未來投入公共事務，仲叫大家要緊貼佢嘅個人fb專頁。 唔少人期望阿sir再落區，佢噚日喺傳媒WhatsApp群組，透過公關發放真人錄音感謝傳媒陪佢「run」咗60幾日，仲話「To hea or not to hea, that's not really a question」，決定「唔理三七廿一，先休息一段時間」，話「可能行吓太平山，可能行吓獅子山」。粉絲不妨去行山，話唔定可以野生捕獲佢。 講番「你問我答」短片，阿sir笑言有同事建議佢去賣薯片同咖啡，或者要請勞工處舊同事幫佢搵工，不過，阿sir提到官員離職後有1年「冷河期」，要啲時間考慮未來做咩，但呢幾日就會陪家人、去睇戲，同瞓吓覺。
|
| |
| |
