鄭泳舜之後有馮檢基 九西補選 個個搵明哥谷人氣
[2018.01.11] 發表
【明報專訊】「深水埗明哥」陳灼明近日真係好紅，繼盛傳有意參加立法會九龍西選舉嘅民建聯鄭泳舜，早前同藝人「Chef Le Mon」謝霆鋒去佢舖頭幫手整飯盒，參加泛民九西初選嘅民協馮檢基，噚日就喺facebook上載訪問明哥嘅片段，但like數唔見好多。Emily見明哥左右兩邊都撐，八卦問佢九西選舉有咩心水人選？原來佢話自己其實係中立，邊個去佢舖頭佢都招呼，但要佢站台助選，就一定唔會。
明哥話保持中立不站台
睇番馮檢基上載訪問片段，明哥話自己1983年起喺嗰區工作，當時已經識馮檢基，多年來一齊喺深水埗做幫助基層嘅工作。
Emily見明哥好似喺呢場「九西選戰」中再次亮相，問佢有無想邊個跑出，佢就話「無所謂」，「邊個當選都得，最緊要做實事，唔做嘢就唔支持佢」，佢強調自己唔會參與政治活動，邊個去佢舖頭都會招呼，就好似之前另一參加泛民九西選舉初選嘅姚松炎都落過去佢舖頭。明哥話，如果要佢站台就一定唔會喇，話要保持中立，希望可以同各界合作做關心基層嘅工作。
Emily聽聞同樣參加泛民九西初選嘅民主黨袁海文，搵咗贏過亞姐冠軍嘅藝人羅霖拍片支持，拭目以待。
更多港聞
【明報專訊】立法會去年底修改《議事規則》，包括將呈請書門檻由20人提高至35人；而喺審議法案、進入全體委員會階段時，會議法定人數則由35降至...
詳情
免費全日制幼園 五個區一間都無 已收資助 學費最貴2158元
【明報專訊】教育局本學年推出免費優質幼稚園計劃，立法會昨日上載教育局回覆的文件，顯示雖然約九成半日制幼稚園免學費，但絕大部分參加資助計劃全日... 詳情相關新聞
