試用洗頭機 李卓人寧願人手洗
[2018.10.09] 發表
【明報專訊】近年唔少工種好難請人，亦衍生出更多機器代替人手，洗頭係其中一項。工黨副主席李卓人早前去髮型屋剪頭髮，喺職員邀請下都試用咗自動洗頭機。人哥同Emily講，用洗頭機洗頭只需要5分鐘，相當快手，但感覺就同平時人手洗頭差一截，唔會幫你按摩個頭，「(洗頭機)係噴射式，純粹搏命射你」，不過張櫈有按摩功能，如果第日要揀，佢都希望揀番人手洗頭。
嘆就業機會將被機器取代
人哥話，現時仲未有太多髮型屋用洗頭機，但相信未來都會陸續普及，佢估計長遠而言，髮型屋用洗頭機應該平過請人。今次體驗亦都令人哥相當感慨，因為工作除咗換來收入，亦令人類有機會貢獻社會，自我價值都高啲，但喺愈來愈多人手可以用機器取代之下，唔知遲啲仲剩番幾多就業機會呢？
更多港聞
【明報專訊】食物及衛生局今年中提出規管電子煙、加熱煙等新興煙產品嘅立法建議，用類似規管傳統香煙方式，禁止向未成年人出售兼徵收稅款，旋即引起醫...
詳情
相關新聞
