【明報專訊】寵物離世的哀痛有如失去至親，社福界立法會議員邵家臻噚日凌晨喺facebook透露，家貓「亞黑」前晚離世，享年22歲，佢貼文悼念，並上載同亞黑手牽手嘅相片。阿臻話亞黑三星期前食慾不振，開始消瘦虛弱，到前晚更不能站立，亞黑離世時，阿臻「沒有嚎哭，只有流淚」，回憶22年相處點滴，話亞黑「仍然住在我心中」。 話亞黑早走 免成下月佔中審訊牽掛 阿臻話，對於亞黑離世早有心理準備。佢話屋企周圍以至自己嘅手手腳腳，都滿有亞黑嘅抓痕，「早成了我身體的一部分」，佢相信亞黑喺呢個時候走，係因為知佢下月要面對佔中審訊，「亞黑想我輕省一點，所以要走的話就早走一點」，「我知老貓心意，一家人心照不宣」。 亞黑彌留時，阿臻「一邊摸?他嶙峋的背脊，一邊幫他清潔眼水鼻水，再一邊勸他早點歸去」，佢形容呢22年嚟，特別喺風雨飄搖嘅日子，亞黑都係佢最佳嘅鎮定劑。阿臻最後感觸道：「老黑，別忘幫我做一件事：跟老爸丶老金(三年前離世家貓)丶老友打聲招呼，告訴他們，我很好，仍然intact(健全)，仍然精彩。」
|
| |
| |
;){kind=small}
