【Emily】撐官員離席 劉江華：區會新人要識規矩

[2020.01.29] 發表

【明報專訊】新一屆區議會「變天」，部分地區民政事務專員先後因不滿區議會運作而拉隊離場，令人關注政府係咪同區議會關係緊張。民政事務局長劉江華接受商台訪問時，就話新一屆區議會開局初期，難免會較多摩擦，佢話政府同一班新任區議員需要時間培養默契，有信心喺經過一段適應期後，情况會慢慢好轉。

劉局長又話，新任區議員要認識區議會守則同規矩，一啲違反職權範圍嘅嘢，政府絕對唔會參與，同埋佢係支持出席會議嘅官員同公務員離席表達不滿。佢強調大家要互相尊重，希望可以建立理性、文明嘅議會文化。

不過，當劉江華被問到係咪可以重新考慮觀塘區議會嘅要求，煞停觀塘海濱音樂噴泉工程時，佢就再次表明，呢方面唔存在讓步問題，工程已經展開，政府必須尊重合約精神。

更多港聞

【明報專訊】為推動智慧城巿發展，政府積極推動Wi-Fi.HK服務，政府資訊科技總監辦公室發新聞稿，話現時Wi-Fi.HK品牌熱點數目已逾36... 詳情

【明報專訊】近期香港發生唔少唔開心嘅事，但實政圓桌議員田北辰近日笑逐顏開，皆因佢大年初三再做外公，大女誕下精靈老鼠仔。田二少同Emily講，... 詳情