20親友送別長跑好手
[2020.04.12] 發表
【明報專訊】「晏少少我返嚟喇，唔好鎖門，我一陣返嚟飲湯嘅。」26歲長跑好手吳國興(Michael)上周四(9日)晚與姊姊的對話，成為兩人最後一席話。身穿跑步服的吳國興當晚近10時在大埔公路沙田嶺段一個行人過路處被私家車撞斃，其20多名親友包括一些跑友，昨午4時許手持鮮花、線香到意外現場，及有道教儀式拜祭。死者胞姊(右一)痛哭，其他人在旁安慰。
吳國興的教練呂劍倫說，Michael生前報名參加今年渣馬，目標3小時內完成全馬，比賽後因疫情取消。他又透露，吳近年轉工後工作繁忙，只能在晚上放工後練跑，亦有放工後提早下車「通勤跑」回家的習慣；但由於其手機在車禍中被撞爛，其記錄跑步的手表未能上載數據至手機，未知他當時是否在「通勤跑」抑或在練跑。
更多港聞
相關新聞
