【Emily】2021《香港街》介紹新世代數碼地圖 地署製作 432頁售93元
[2021.01.26] 發表
【明報專訊】科技進步，𠵱家大部分人都會使用電子地圖搵地方，但傳統嘅紙本地圖仍然吸引部分人使用同收藏。由地政總署編製嘅2021年版地圖《香港街》噚日起公開發售，署方話，今年《香港街》嘅主題係「新時代地圖」，介紹新世代數碼地圖特色，形容數碼地圖改變咗大家生活方式，由以前「路在口邊，見人問路」，變成今日嘅「路在指尖，啟動搜尋」，只要智能手機在手，無論係搜尋地址、社區設施、行車路線或交通工具，即使足不出戶亦可以掌握生活資訊。
署方話，今年《香港街》有432頁，售價93元，載有詳盡嘅香港地圖，街道、地方及鄉村、屋苑及大廈、學校、公共服務、文娛及康樂設施索引同公共交通資訊等資料；其中街道同地方及鄉村索引，更可作為香港街道同地方嘅地名錄。
《e香港街》免費下載
除咗紙本地圖，署方嘅新版電子地圖書《e香港街》亦於噚日上載網頁，供公眾瀏覽同免費下載。署方話，《e香港街》係以GeoPDF為檔案格式嘅地圖，可以喺桌上電腦同手機等流動裝置應用程式上離線使用。
更多港聞
DSE核心科原校考 校長會：利聯絡考生突發應變
【明報專訊】中學文憑試（DSE）筆試4月下旬開考，疫情發展仍難預料。考評局昨回覆查詢稱，今年DSE 4個核心科目試行「原校及地區試場」安排，... 詳情
【明報專訊】9月升小一、參加統一派位的學童家長，需於周六（30日）或周日（31日）交表。教育局提醒因應疫情，為減人群聚集，家長需按獲編配的指...
詳情
相關新聞
