【Emily】盼美新領事夏末前上任 施大偉：料過程順利
[2025.07.16] 發表
【明報專訊】有傳2019年期間曾任美國駐港澳總領事館政治部主管伊珠麗(Julie Eadeh)將接任總領事，美領館代辦施大偉話，目前仍等待同觀望(wait and see mode)，但唔相信美國有多過一名人選。
施大偉噚日出席立法會同外國總領事交流酒會，獲安排坐第一排，與行會成員林健鋒，議員黃錦輝、謝偉銓、狄志遠等短暫交談。佢話希望夏季完結前有新總領事上任。至於中方有無反對伊珠麗任命，佢話無為意，有信心過程一如過往順利。
立會辦領事交流會 梁君彥致辭：港「未玩完」
首次參觀立法會嘅施大偉又話，希望香港同美國執法部門嘅合作可以有個新開始，認為對雙方都有好處。
今次領事交流酒會原有51個議員報名，最後29人出席。立法會主席梁君彥致辭話，香港近年面對前所未見挑戰，但仍係世界最自由經濟體，並保持亞太區第一金融中心地位，形容香港「唔係死城」、「未玩完」。佢又不點名話，地緣政治升溫，關稅遭武器化，但改變同時為香港帶嚟新機遇，香港有決心成為最有活力同韌性嘅城市。
更多港聞
【Emily】黔體校考察 郭晶晶倡機制為國家隊覓才
【明報專訊】港區人代兼立法會議員霍啟剛同太太郭晶晶早幾日到貴州黔南州三都自治縣同貴陽市，考察當地基層體校發展、教練培訓體系及青少年運動員培養... 詳情
【Emily】成澳洲規劃學會會員 劉國勳盼助推動北都
【明報專訊】向來關注唔少規劃議題嘅民建聯立法會議員劉國勳（圖），噚日喺facebook宣布，佢攞到澳洲規劃學會會員嘅資格，稍後會向香港規劃師... 詳情
【Emily】港大梁偉強獲選歐洲科學院外籍院士
【明報專訊】港大醫學院臨牀醫學學院內科學系教授梁偉強今年獲選為歐洲科學院外籍院士，以表揚佢喺腸胃肝臟科領域嘅貢獻。梁偉強係《基本科學指數》（... 詳情
【明報專訊】在香港大學修讀法律課程的一名男學生，在未經女性朋友、大學同學及中學師長等人同意下，以人工智能（AI）製作她們的色情照，事件續有新...
詳情
相關新聞
