【明報專訊】商務及經濟發展局網頁前晚畀人發現刪除咗寫明「發牌無上限」嘅一段內容後，遭網民群起攻之，點知一夜之間，「消失的段落」噚日朝早離奇再現！局長蘇錦樑(Greg So)出嚟解畫，話已經指示同事加番有關句子，因為留意到傳媒關注咁話。 疑subject officer決定刪減 Greg So話，更新網頁係局方一般工作，上次刪減係因為同事唔想重複信息，強調咁樣係唔代表任何政策修改。Emily仲八到，刪減文字呢個改動，係商經局入面一名subject officer(負責人員)喺每年例行更新網頁嘅時候決定嘅，同高層無關喎。 CY：一次發兩牌證政府重視 另一邊廂，特首梁振英噚日又畀傳媒追問免費電視發牌問題，佢只係話香港40年嚟係第一次增發兩個電視牌，證明政府重視文化創意產業發展，佢仲話，新開嘅免費電視台會令業界有更大發展空間，專業人才可以向外發展。
|
| |
| |
