律師會首出女副會長
林新強有份見李飛
[2014.09.03] 發表
【明報專訊】律師會會長熊運信噚日喺同人大常委會副秘書長李飛會晤後，宣布由理事會選出彭韻僖出任副會長，係律師會成立以來首度有女性副會長。至於因言論出位下台嘅前會長林新強，噚日亦有以律師會理事身分見李飛，不過佢無回應傳媒提問，仲特意先讓正、副會長離開。
律師會未透露立場
林新強被指繞過程序發表對政改意見，其後又發表「共產黨好偉大」嘅言論，最後被會員投不信任票下台。唔知係咪前車可鑑，新任會長熊運信噚日見李飛後無透露到公會立場，只係話要先經內部討論，聲明日後公布。大律師公會主席石永泰噚日被問到有關政治問題時就避談所有政治問題，仲意有所指咁話，大家都知道如果公開講一啲政治立場會有咩後果。
更多港聞
【明報專訊】人大常委會周日通過2017年普選特首選舉方案後，多名泛民立法會議員先後表態會否決方案，噚日湯家驊喺facebook發表聲明，話經...
詳情
相關新聞
