【明報專訊】「富二代」華人置業大股東劉鑾雄之子劉鳴煒，上周初建議青年「睇少啲戲、去少啲日本」儲錢買樓的言論引起熱議。本月初一段改編網絡潮文的短片《月入三萬的香港人》，YouTube點擊率逾56萬，說的同樣是買樓問題，製作短片的一班「高登仔」說，「劉生(劉鳴煒)話得我啱，我真係好鍾意睇戲同去日本」，他寧可活在當下，也覺得「儲錢也不一定是為首期」。有人則稱，結婚生子，豐儉由人，不一定買到樓才結婚，面對生活上的壓迫，唯有變通。
明報記者 陳倢朗
指劉鳴煒沒說錯 錯在身分
「劉生(劉鳴煒)都話得我好啱，我真係好鍾意睇戲，亦好鍾意去日本」，24歲的Gary說，「但呢個係我嘅選擇，我買唔買到樓，未必有關……我既然咁選擇，我覺得無問題」。
劉鳴煒早前在訪問中被問及年輕人買樓困難時說，假設一個人月薪1.5萬元，問青年是否願意犧牲一點，例如「睇少啲戲、去少啲日本」，每月儲3000元首期，等待樓價跌才入市，言論引起連日熱議。
《月入三萬的香港人》短片近期大熱，片中主角Gary接受訪問時，甫坐下便主動提及劉的言論，「唔係全錯，錯在佢(富二代)身分」，「如果你親身試過係work嘅，你先有資格訓示啲年輕人，但你都無做過」。任職電子產品銷售員的Gary說，不同人有不同選擇，以其1萬多元收入，「即使我儲到錢，買到樓，只會係另一個開始，我仲要煩點樣供樓，係唔會停」，故他寧可活在當下，不煩惱「買唔買到樓」。他自言不是揮霍的人，只喜歡看電影及一年去一次日本旅遊，也會儲錢傍身，「係咪一定要用作首期，我覺得唔係」。
只談青年細節點錯 不說大環境
Gary表示，社會很多人像劉鳴煒般只點出青年人儲錢等細節上的錯，但「從來唔覺得係大環境嘅錯」，拍《月入三萬》正是想帶出香港現時生活有多壓迫，「好似做sales(銷售員)咁，不斷有個target(目標)去meet(達成)，achieve(實現)到又再加，要不斷咁追，追到有一日你爆煲」，「個大環境係好有問題」。
Gary說，短片改編自兩年前的「潮文」，文已「不潮」，短片用了半年製作，「但段片出咗來，仲係(引起這麼多共鳴)，即係香港無進步啦，大家仲係喺水深火熱中，呢個話題(樓價)只會繼續」。坐在對面的另一製作團隊成員傑少表示，「好似龜兔賽跑咁，樓市係兔仔，你係龜」。
樓價高 無儲錢動力
在廣告公司任撰稿員的傑少，今年26歲，同屬「活在當下」派。他說雖然每月會儲起約三成薪金(約6000元)，但樓價高企感到根本買不到樓，儲錢動力不大。現時他除飲食交通等使費，每月再花800元打機，作為「同朋友維持友誼的工具」，「係值得花嘅錢」。現在沒有拍拖的他更引述片中情節說，如果他日女友如片中女主角般叫男友不要課金(付現金打機)，「我會同佢講不如我買條Pandora(首飾品牌)畀你，唔好叫我唔好課金」。
;){kind=small}
;)
