【明報專訊】政改會唔會過，開始入直路，繼「汪阿姐」汪明荃喺顧嘉煇嘅演唱會上公開呼籲撐政改後，新民黨「田二少」田北辰亦好似不甘後人，前晚上TVB幫公益金唱歌籌款時，都曲線咁對住熒幕嘅廣大觀眾就政改作呼籲？ 話說田二少前晚出席《萬眾同心公益金》，同王馨平合唱一曲《暫別》籌款，點知主持人突然問佢有乜嘢可以同觀眾分享時，二少就話，做善事最緊要係「有心」，形式同捐款多少反而係次要，行善無好與差之分，最緊要有「行動」，佢之後仲加多句﹕「沒有最好，只有更好。有，梗係好過無。」究竟二少講緊捐錢定係政改呢？大家意會好喇，但唔知無綫觀眾領略到幾多呢？
|
| |
| |
;)
