【明報專訊】周秀娜、王宗堯、羅蘭、羅家英及黃夏蕙昨日現身海洋公園舉行的「哈囉喂全日祭十五周年」揭幕禮，現場首先播出羅蘭扮米高積遜(MJ)、羅家英扮羅文及貓王大跳勁舞拍攝的電視廣告。 羅蘭曬MJ舞步獲讚 兩個主角其後再換上廣告服飾亮相，羅蘭更即場擺出MJ舞步拍照，獲台下熱烈歡迎，羅蘭說：「以前扮過好多形象，今次扮MJ又是大突破，花好多時間準備。」 羅家英笑稱屋企有鬼后 羅家英大讚羅蘭既是影后和鬼后，更啜核地稱自己家裏也有隻鬼后：「佢真係鬼咁惡，除咗我之外，乜鬼都唔驚！」司儀李麗蕊笑問他是否指太太汪明荃，羅家英回答：「我無講，唔好話我講，不過我會帶佢嚟玩，佢見過廣告相，話我好型。」提到畫滿驚嚇紋身的「夏蕙BB」黃夏蕙都應邀到場，羅家英搞笑說：「唔好講，我食唔落飯。」 同場嘉賓尚有「男神」王宗堯和穿上「鬼火咁靚」造型露事業線搶鏡的周秀娜，王宗堯表示騷前跟周秀娜率先挑戰入鬼屋，自己身為男仔負責走前面擋鬼開路，覺得激刺又好玩， 周秀娜笑說：「但我被電動鬼嚇親，嚇到個心離一離兼大叫，但不敢攬王宗堯，驚他多人攬，自己攬錯隻鬼。我早前夜晚落街跑步以為撞鬼，在街上見到有個男人一拐一拐，原來是個老外飲醉酒。」她自言怕鬼又貪玩，會應節入鬼屋玩影車頭相，王宗堯就打算萬聖節喬裝令人難以辨別。 記者：鍾一虹 攝影：梁迺楠 ■更多娛樂猛料 ﹕ol.mingpao.com
|
| |
| |
;){kind=small}
;){kind=small}
;)
