【明報專訊】港台節目《城市論壇》噚日討論《2014版權(修訂)條例草案》，台下觀眾老中青都好關注有關條例，積極發問，亦有人乘機抽水。參加過「亞洲先生」嘅鄧簡文台下發言時，自稱「有啲人認為我歌喉似家駒，也有人覺得我唱到走晒音」，諗住唱兩句《喜歡你》，畀現場人士評論佢係屬於模仿定係「損害性分發」取代原作品。可惜鄧簡文唱咗「喜歡你」3個字，就立即被主持一句「唔該晒」打斷。 「直升機係竹蜻蜓嘅二次創作」 「論壇衝鋒」代表「大陸朱」喺台下發言時，認為唔應該規管限制二次創作，否則社會難以進步，佢舉例話「西方嘅直升機係二次創作，中國嘅竹蜻蜓先係原創」。呢位維園叔叔似乎突破咗盲點，Emily都嘗試用同一思維思考一下，係咪全世界嘅炮彈都係二次創作，中國發明嘅火藥先係原創？
|
| |
| |
;)
