【明報專訊】創新及科技局長楊偉雄早前同特首梁振英去咗一個創科論壇，其間佢講嘅「有邊個見過Steve Jobs？未呀？我見過！我真係見過！」金句成為熱話，但究竟局長幾時見過呢？呢個謎底終於揭開，原來二人「識於微時」！ 楊偉雄噚日去立法會財委會特別會議講解預算案嘅創科政策。民主黨立法會議員單仲偕重提舊事，「局長我知你見過Steve Jobs，不過我都睇過Steve Jobs套戲」，楊偉雄話自己喺1977年4月17日見過對方，當時對方22歲，「我記得(當時)佢講過嘅嘢，所以先(喺論壇)講出來，我唔係佢成名先見佢」。 局長唔止記得邊年邊月邊日見過Steve Jobs，當新民黨田北辰話創科局成立咗半年，有咩宣傳措施，局長隨即糾正，話創科局喺舊年11月20號成立，至今4個月零17日，唔係半年，又話創科局下周會推出facebook宣傳，叫議員畀多啲批評。
|
| |
| |
;)
