民協何啟明選超區 「我哋有存在價值」
[2016.05.04] 發表
【明報專訊】泛民立法會「超級區議會」議席協調瀕臨胎死腹中，繼新民主同盟黨內早前通過唔會參與初選，打算為民協披甲上陣嘅成員何啟明，噚日出席傳媒茶敘時就同Emily表明「去意已決」，即係會去馬咁話。民協近期一直推動協調，但最終都未肯「犧牲小我」，何啟明噚日解畫，話打算參選係希望表達民協嘅路線，「我哋有我哋嘅存在價值」，又話對新民主同盟失望，因為對方當年係因為反對超區議席先成立，亦質疑民主黨派兩隊選超區係咪「為大局」。
對於擔唔擔心最終大家一齊輸，何啟明就話「政治一日都嫌長」，新界東補選都有意外結果，但如果真係「攬炒」，就個個都有責任。何啟明話自己會以眾籌回購領展做選舉議題，亦會「狙擊」工聯會，雖然佢強調唔係搶票，但就承認雙方服務對象相近。
更多港聞
【明報專訊】香港中文大學上月一項有關普通話及簡體字的調查，發現近八成半受訪者贊成在中小學教普通話，不贊成的只有10%；至於在中小學實行普教中...
詳情
【明報專訊】本身在香港大學擔任首席副校長的錢大康，本學年過檔浸會大學任校長。浸大教職員工會對筆者表示，感到錢大康似要「谷」研究水平，該會接獲...
詳情
相關新聞
