卸任後想做研究 沈祖堯：唔從政非唔入政府
[2016.05.07] 發表
【明報專訊】因對抗SARS而令大家熟悉嘅中大校長沈祖堯，眨下眼做咗校長就嚟6年，沈校長之前向學生、校友同教職員發信，話早喺2014年已向校董會表明，想快啲返醫學院教書同做研究，所以當時續任一個短啲嘅年期，去到2018年6月30號，如果校董會早啲選出新校長，佢亦願意提早交棒，但對參政絕不感興趣。Emily噚日喺「中大創業日」見到沈校長，當然問吓佢卸任之後有咩打算，佢話自己係醫生，好鍾意醫院嘅醫療工作，睇住過去6年醫學界唔少新發展，尤其癌症方面，自己想趁仲有能力、記性、創意嘅時候返去做研究同睇症。
Emily問佢點解咁強調唔加入政府呀？沈校長就話唔係話自己唔入政府，但唔會從政，在場有記者即刻追問係咪為自己「留尾巴」，可能會考慮入政府做醫療相關嘅官職，沈校長笑住叫大家唔好想像得佢嘅說話太遠，佢希望直接做臨牀嘅睇病工作，同返去醫療研究團隊，「擺低咗醫療工作6、7年，我仲有好多病人，但只得逢星期六上晝(睇症)」。咁又係咪外界傳聞佢頂唔順社會同校園壓力而提早交棒呢？沈校長就話壓力人人都有，「學生都有壓力啦」。
更多港聞
《明報》兩報道獲人權新聞獎 特赦組織倡多報弱勢權益
【明報專訊】由國際特赦組織香港分會、外國記者協會同香港記者協會主辦嘅人權新聞獎，今年踏入第20周年。《明報》今屆攞到兩個中文突發新聞優異獎，... 詳情
【明報專訊】商台噚日繼續播出行政會議召集人林煥光嘅訪問，大談被視為「社運歌」嘅《海闊天空》，佢話自己1980年代已經好留意樂隊Beyond，...
詳情
相關新聞
