范太：地盤停工經濟損失唔夠拉布
[2016.05.16] 發表
【明報專訊】全國人大委員長張德江今個星期訪港3日，保安部署非常嚴密，會展附近地盤更要停工4日。不過，全國人大常委范徐麗泰噚日出席教聯活動前，形容保安安排造成嘅經濟損失「點都唔夠拉布」，話現時只係停工4日，相信影響唔大喎。被問到安排係咪過慮，范太話唔認同，因為內地有恐怖分子，佢哋最好嘅「揚名立萬」方法，就係「令領導人有啲咩事幹」，所以香港有需要加強保安，雖然可能對周邊造成不便，但一定要保障張德江安全，希望公眾理解。
噚日教聯活動向超過200個學生派發獎學金，范太頒獎時就分享為母之道，形容自己以前脾氣「麻麻哋」，教一對仔女時會不知不覺發脾氣，結果有一日仔女發番佢脾氣，佢老公當年就話「咪似你囉」，從此范太明白身教真係十分重要。
更多港聞
相關新聞
