工聯會拜票 首訪鄉議局
[2016.07.20] 發表
【明報專訊】立法會選戰已經打響，建制政黨對鄉事票都虎視眈眈，繼早前民建聯後，工聯會噚日首次正式拜訪新界鄉議局爭取支持。一行人由會長林淑儀、副會長陳有海帶隊，今屆分別出選新界西、新界東及超級區議會嘅麥美娟、鄧家彪同王國興都有出席，噚日逐一與在席鄉事握手，表現客氣。不過由於鄉事喺港島無票，已報名港島嘅工聯會郭偉強噚日就無現身。
林淑儀會後話，今次係借機會同鄉事增加溝通，希望爭取對方支持。對於能唔能夠成功爭取，佢就不置可否，只係話相信鄉議局有自己程序，又指鄉事並無喺會議中對佢哋提出任何要求。
鄉議局主席劉業強就好畀面，話會內大部分鄉事對工聯會表態支持。不過有幾多口頭支持可以轉化成實際選票，就不得而知。
更多港聞
【明報專訊】歷年暑期最高頭獎彩金嘅六合彩暑期金多寶噚晚攪珠，結果頭獎無人中，令逾8000萬元嘅金多寶撥入下期，即本周五（22日）嘅攪珠若頭獎...
詳情
【明報專訊】今屆立法會會期終結，港大民意研究計劃公布十大議員排名，Emily發現10個知名度及評分最高嘅議員，當中有5人已決定引退，包括由2...
詳情
相關新聞
