選完主席掀退會潮 張華峯一日退6委會
[2016.10.28] 發表
【明報專訊】建制同泛民議員早前以人海戰術，加入立法會各個事務委員會爭奪正副主席，不過近日已經出現退會潮。經民聯張華峯噚日申請退出4個事務委員會，以及人事編制同工務小組委員會，總共6個會議，佢解釋係想爭取更多時間處理金融服務界議題，而公專聯梁繼昌亦以議會工作有調整為由，退出工商同衛生事務委員會。
包括教育、政制同保安等5個事務委員會，上星期會議未能選出正、副主席，今日會再選。非建制派上星期喺教育事務委員會，透過不斷提名主席人選拖延時間，但社民連梁國雄、公民黨毛孟靜同獨立姚松炎3個獲提名人選，噚日就齊齊去信退出角逐。有泛民話，今日未有計劃喺事務委員會有所行動，會議「應該無問題」，因為建制派已讓出部分正副主席。
不過下晝舉行嘅內會就唔同講法，公民黨陳淑莊噚日已去信內會主席李慧琼，要求對方喺今日會議，討論有關對大會主席梁君彥嘅不信任動議。上星期內會以泛民包圍李慧琼收場，有泛民透露，「民主派會議」今日喺內會前會商討有無行動，但預料如果李慧琼再拒絕畀內會討論宣誓事件，非建制派反應可能「幾大」，有機會成為戰場。
有建制中人就相信，事務委員會同內會始終唔同大會，「衰極有個譜」，預計泛民唔會有大行動，所以建制派暫時都未有特別計劃應對。
更多港聞
【明報專訊】立法會選舉參選人近日陸續申報選舉開支，只得2587票而落選港島嘅詹培忠，選舉開支原來都相當高，成個選舉工程用咗超過202萬元，即...
詳情
中大軟件助教師製VR教材 可配旁白文字 搖頭答選擇題
【明報專訊】香港中文大學教育學院今年9月推出「EduVentureR VR（虛擬實境考察教材）」，教師只需利用智能手機拍下片段，便可利用網上... 詳情
【明報專訊】香港大學校委會研究生選舉涉賄選風波，學生會、校友關注組和教師及職員會昨發出聯合聲明，指大學理應堅守公義，不應姑息任何有違公平、廉...
詳情
相關新聞
