湯漢聖誕賀辭 促聆聽年輕人
[2016.12.24] 發表
【明報專訊】天主教香港教區樞機湯漢噚日發表聖誕賀辭，提到香港近年出現唔少矛盾，令港人疲倦，希望趁聖誕大家好好溝通，一齊化解矛盾。
憂棟樑無希望 社會失方向
湯漢樞機舊年聖誕賀辭提到香港爭拗多，令人感覺紛亂；今年佢再次提及社會矛盾，但重點轉移到要聆聽年輕人聲音。湯漢話年輕人係未來棟樑，如果連未來棟樑都無希望，社會就唔知何去何從。佢提醒成年人要聆聽年輕人嘅聲音，佢話雖然兩者未必明白對方想法，但只有肯聆聽，先有機會對話，而有對話，先可以一齊改變社會，令社會更平安、更進步。
湯漢慨嘆香港過去一年經歷咗唔同程度嘅矛盾同傷痛，希望大家喺聖誕節把握時間同家人好好相處，表達關懷之餘亦珍惜溝通機會。
更多港聞
相關新聞
